Benny 的分享空間

7月中出差去北京...因爲又係一年一度既學會高層訪京團...

這個時候,當然又是我們這些嘍囉出動的時候...

這次部門分成3隊人馬出發...

我和2位同事屬第2隊...因為怕機上有豬流乘客...所以3人都坐得不太近....以防有人需要被隔離,不至於全軍被隔...

今次上京...其實事先並沒有太多事情需要我負責...所以感覺比去年2次輕鬆...

反觀同事卻忙到一仆一碌...又行程安排,傳媒安排,交通,食,出席人員等等...

所以出發時真的沒有心理準備自己會變得很忙吧...

 

出差短短4天...雖然沒有以往在北京那麼忙...但感覺沒有以前的團結...

應該是說...同事間的互相補位精神和行動尚在...但溝通比以前少...而且多了怨言...(包括我自己)...

 

回到香港後一直思考在北京發生的種種...

前幾天上司和我們每個人分別做了半年結...

 

對於我的表現...上司都尚算認同..

但當然....我最大的弱點就是情緒 (這是公開的秘密...哈...)

上司跟我說起在北京發生的種種...我亦說了我的想法...

 

其實回想2009年開始到現在....

我真正表現得情緒過激,相信只有2次...

 

第一次是在4月的時候,衝動得遞了辭職信....

第二次就是在北京的時候...

 

辭職信那次是因為不堪被大老闆侮辱的感覺..

而在北京,我會歸咎於我們所有同事的反應過快 (即是太敏感)

 

事實上,我真的覺得我部大部份同事平均智商和能力都要比另一部高出很多倍...

但同樣地,我部的同事們情商指數真的是激低...

我一直反覆思考這個問題...包括我自身的問題...

我發覺我們都有一個共通點....就是過份自以爲是...

我們都會看不起能力低的人...認爲自己永遠是對的...

認爲自己已是成年人,很多時覺得別人的評語都是廢話...

 

現在回想起來真的覺得很不應該...

上司說了一句..."即使你工作多強多高...但你的情緒足已令你的所有努力付出付之流水...因為你的工作表現只有我們自己知道...外面的人只看到你的行爲和情緒..."

這番話如果是在以前...我會半句也聽不入耳...因為我一直以來堅信的是有眼光的老闆一眼便知道我是不可多得的好幫手...既然老闆沒這種眼光,亦不相信我的能力,我又何苦爲他拼搏呢!?

但經過這幾年的人生經驗...尤其是進入學會工作後...令自己有另一番感受...

 

1. 老闆能夠成爲老闆,一定有他的原因和能力...

2. 與其讓自己工作得那麼痛苦,倒不如想盡辦法令自己更加開心...

3. 辭職雖然能夠擺脫現在的不愉快,但不代表下一份工作便是你更好的選擇,應該說很有可能比現在更糟... (新工作可能人工更高,但老闆更有可能更變態,同事更惹人討厭)

4. 令自己情緒平伏不是爲了老闆,上司或其他人,只是爲了自己...(想當年,我在中壽時,每當發脾氣的時候,其實自己也很辛苦,想爆炸的感覺,現在不知道有沒有高血壓呢...)

5. 最後一點...亦是個人認爲自己最需要檢討的一點...就是這世界永遠都是天外有天,人上有人...不要太自我中心...雖然常常會覺得有些同事真的很笨很懶很過份...但回想起來....那些同事必然有他們可取/可以學習之處...因為我們就算覺得他們多不濟,他們還是生存到現在...所以我們應該放開自己心窗,做好自己本分...由冇變有,由有變優,由優變更優...

 

雖然夏日炎炎,但希望我們每位都能夠心平氣和,每天都過得開心快樂...

願你我都一起變得更成熟,爲將來的幸福打拼...

回想起4月的時候, 有想過要不要報名參加6月的考試 (因為我還差2科才可取得專業資格)...

當時考慮的是公司會在6月尾到北京出差,擔心沒有足夠時間溫書,所以沒有報名...

事實證明,當時的決定是正確的...

在5月27至6月29日,除了周末及6月第一個星期之外,每天都有我負責跟進的培訓班,期間有些周末還要加班或在家中工作...更別談溫書了...

結果,6月15那晚回家後發燒...半夜跑到醫院急症室...驗血,尿,心電圖,X光照肺...結果醫生說肌肉酵素比正常高出很多...但由於沒有咳和喉痛,所以沒提到隔離或與豬流感有關係....

著我放病假3天,然後再次驗血...覆診那天驗完血後....醫生說我有2隻酵素明顯比正常情況高出很多....相信是致發燒主因...他說這種情況很罕見...還問我是否當苦力...因爲理論上我全身任何一個部位稍微動一下我都應該感到劇痛難當...讚我意志比肉體感覺強得多呢...哈....

今次是我自去年初加入這問公司以來第一次請病假....4年半工作經驗中第二次請病假....

部門主管還很有心地命人訂果籃送到我家...哈....

原本送給我一個驚喜....但係....送貨工人卻打電話給我 "是BENNY嗎?想請問你家怎樣去?"....哈......................

不過真係好感謝同事在慰問卡上的留言...謝謝你們的心意...

 

病了一個星期...讓同事額外增加了工作...不過我部同事跟其他部門不一樣...

雖然我們人手短缺....但團隊精神很重...不會因為有同事休假或沒上班就停頓運作....很可靠的伙伴...

 

回到公司,工作依然很忙...除了繼續跟進培訓事宜之外...也要開始準備7月中出差的事情...

一年一度的"全國傑出財富管理師"評選又要開始了...

希望今年會辦得成功....

當然最希望是看到讀我們專業的學員得奬呢....學員們.......加油!!!!!!!!!!別讓我這位"李老師"失望呢...哈.....

 

相信這幾個星期又沒有好日子過了呢...

 

除了工作....感情和家裡都有點事...唉....可算是超級"黑"...........

希望"黑氣"快快過去...........

 

剛剛看了一個電視劇....裡面有一個老人給自己女婿講道理....

"專家說男女之間其實只有30個月的愛情...愛情只是人激素上升的化學反應而已......其實男人跟女人就像一煲粥....有人說女人就是水嘛,那男人就是米了....你知道粥字的意思嗎? 就是2個彎腰的老人被米黏在一起一輩子...一起熬..."

 

老實說...這套劇越來越悶....但個人認爲這幾句對白很有意思....也讓我有新的體會和啓發....

最近既工作只可以用忙嚟形容...

家人,朋友,叫我辭職既數之不盡...有個FRD仲叫我做"WORKING MACHINE"添...哈...

其實我都覺得自己幾工作狂...要求同對工作既態度好多時都令人頂唔順...

不過,我既意見係...既然唔認真工作得過且過的話....咁樣工作同行屍走肉真係冇咩分別...

我唔想自己成爲一個唔帶腦番公司,又或者係做嘢唔用腦既員工...

 

講開唔用腦...其實公司真係多咗好多唔用腦既員工...

除咗本身請番嚟既人有問題之外,公司既管理同行政制度都越嚟越有問題...

 

本身人有問題既(排名不分先後):

公司行政總裁秘書 - R小姐(由行政總裁親自請番來)

公司另一個部門主任(負責監察公司網頁,同埋唔知咩嘢) - 肥V小姐(由該部門總經理請番來)

 

如果要逐一點評,我諗D資料真係可以多到寫到本書咁誇張,所以我都係簡介吓3劍俠既特徵...

 

R小姐-主要職務係負責淋花同幫CEO MARK SCHEDULE, 其他交帶佢既工作佢都係會外判,而自己只會變成一個中介聯絡人(唔知點解會咁)

 

S先生-可以話係公司既傳奇人物.由佢負責既IT部,如果公司電腦有大問題就會請EXTERNAL CONSULTANT, 如果小問題佢就會搵佢既下屬解決(GIVEN 個EXT.CONSULTANT同個下屬係專請番嚟), IT部另外要負責既仲有E-LEARNING同E-EXAM (由我部北京同事跟進), 所以BASICALLY唔知佢係負責咩嘢...公司最好笑既地方係有關UPDATE個WEBSITE都唔係由IT部負責,而係由公司唯一個DESIGNER去做...

考試嗰部份,則由S 先生既另一個下屬爲主要跟進,而最好笑既係,S先生負責管理考試部已有超過半年時間,但係發生咗既問題卻唔知點解會推卸爲"我係新負責睇考試架,我咩都唔知架,上手咩都冇講喎"...個人認爲如果呢句係佢下屬講,都算係情有可原吧...但係佢係一個經理...咁都推卸得既話,咁佢入嚟咁耐做過D咩呢?而好得意地,佢地既總經理(佢既親密上司)又比佢110%既支持...真係令人費解....

 

到肥V小姐-相信係僅次於秘書之外全公司最冇嘢做既人...老實講...佢除咗日日番工坐喺度同講吓是非做佢地總經理既貓頭鷹之外,真係唔知請佢番嚟做咩...(但係公司又超大聲話要CUT COST)

 

簡介完3位傳奇人物之後,要講講戲肉 - 公司制度

 

踏入2009年, 公司推出咗好多改革...

首先...要求其他部門同事幫手,要先填妥有關表格...

然後提出要求完成時間,如果要列爲緊急處理,則需要總經理簽名確認...

部門同事收到申請表後,會作出一些評估(風險及時間),然後,回應有關要求....

然後每個部門內部都會好詳細咁做個分工...

 

其實聽落好有條理同制度...

但係,形式上既嘢,往往係現實社會既反面教材...

 

制度+分工=框架

係會令人腐化..

 

點解咁講...係因為工作分得太清楚,同事間就會互相推卸責任...

 

例如: 內地有一班學生應該喺去年9月完成一個證書課程,喺今年2月完成第二個證書課程,按道理證書應該已經打印完畢...

但係因爲一D人爲錯誤 (好似頭先提過話"我係新負責睇考試架,我咩都唔知架..."嗰D...結果到今個月先打印完第一批證書....

而家第二批證書都未準備好....但係專責打印證書既打印機壞咗.

前幾日已經問IT部門幾時整好, 點知個同事覆番話暫時用住其他打印機先...

我再問大概幾時整好,個同事都係9唔搭8地話用住其他機先...

 

同行政部反映,部門總經理知道我催證書,就問行政部同事點解我唔係同印證書既同事跟進....

 

事實證明, 印證書(即考試部門負責人S先生)冇繼續跟進打印情況, 而負責打印證書既打印壞咗, IT部又採取愛理不理既傲慢態度, 變咗一個連鎖反應...咩事都停咗喺度....

 

而家喺公司聽到最多既回覆係"唔知呀....唔關我事....等我詳細了解個情況先..."

 

坦白講....今年全港銀行大幅減少培訓費,所以負責香港培訓既同事好多都好得閒,日日番嚟只係開會同講電話上網....

但係請唔好忘記...內地既培訓受既影響係好細....負責內地部門既同事係好忙....

 

希望管理層知道個現實情況...而唔係喺我地既工作上加上枷鎖....

最緊要係....唔該讀吓中國歷史...

自古以來,昏君同君主制度都係會招自滅亡,仲要加上宦官當道....

請管理層三思....

 

希望身邊當上高層既朋友,或者將來當上高層,可以好好考慮你地既團隊同下屬...

 

P.S.以上既意見,我知道會有同事DISAGREE...我亦冇諗過改變任何人既諗法...畢竟狗都有自主權啦,何況係人...

 

對上一次寫我心情,原來已經係半年前既事...

2008年可以話係一個是非年...

國家大事同私人恩怨都發生咗好多好多...

逐一去回顧實在係太費時...

謹希望所有我緊張同緊張我既人,2009年做任何事都稱心如意,身體健康!

健康真係無價...記得12月21日,正當我享受緊我悠長假期既第二日...突然收到一個短信...係其中一個我最尊敬既人發比我....

佢既一位親人過身....

佢叫我"世事無常,要珍惜眼前人"

當時個心突然好沉...覺得好唔舒服...

2008年好多人病好多人過身...

希望2009年會係一個喜氣洋洋既一年...

我知道既,已經有3對我識既人會結婚...

 

恭喜:

AVA & JUSTIN

SKIEE & JACK

KIRSTY & JASON

 

下對會係邊個呢? :D

 

2008年既下半年我自閉咗好多....少咗出去玩...

煩擾多工作多...

加班更係不在話下...

種種既事推埋一齊...令自己十分暴躁...

心亂思緒更亂...

差D完全迷失...

好彩同事既無限量支持同鼓勵...

終於喺12月19日喺北京完成咗"2008全國傑出財富管理師評選"頒獎典禮暨晚宴

雖然當晚有好多不足之處...但係能夠以10個之內既人數去應付比較大型既活動...我係傾向滿意...

GIVEN我地其實喺5月已經做過一次相似既活動....(人地台慶都係一年一次啫)

所以喺度再次多謝同事既支持...就算我辭職唔做....我都唔會忘記...

 

12月20日我就開始我既悠長假期....

回想以前放假都係周圍去旅行....覺得好攰...

所以今次...一改作風....變爲過10日既家庭式生活...

個心好平靜...想通好多嘢...個人冷靜咗好多...

至於照片...今晚唔UPLOAD住....過2日得閒先....

 

祝願所有睇到我SPACE既人2009年幸福,健康,快樂!!!!!!

 

 

 

 

 

3個大項目之中的其中一項: 國際金融思想領袖論壇, 終於在星期五,7月18日完滿結束了...

好婆媽地,要多謝我地部門同事 (排名不分先後):

阿妹 (Christy) - 這小女孩真不簡單, 在多方面的支援我,即使她手頭上還有很多工作要做...多謝阿妹...

Aries - 現在才知道不同部門和相同部門的分別原來是可以多麽的大...由各不相干變成現在的中國部大家庭...感覺截然不同...謝謝亦歡迎你加入中國部...

冬梅 - 一位遠在北京的同事, 亦是一位很要好的朋友...可以說是面對我給予最多壓力的一位可靠朋友....謝謝,亦要說聲對不起...這些日子辛苦妳了冬梅...

阿媽,師父 (Cary) - 負責論壇工作的同時,亦有其他工作要兼顧...這位已有2位個小朋友的師奶就在其他工作上支持我教導我...亦是聽得我最多廢話的一位,謝謝妳經常聽我發牢騷...

吳英主任 - 亦是北京的同事...雖然接觸較少,但工作上和心理上都給予我很大的支持....謝謝吳主任...

仲有其他部門同事,朋友...我給大家添了很多麻煩...不好意思...亦謝謝你們的包容和諒解...

接下來的就是學會的周年晚宴,和全年比賽 (仲有其他的培訓項目)...辛苦的工作接踵而來...但感覺到自己工作上的轉變...知道自己一定可以熬過去的...

最近部門接到一些不好的消息,令到士氣有一定的打擊...但以前在中壽的時候亦時常面對差不多問題, 就是指標不能達到...管它的...最主要是盡力而爲....

中國部可說是從沒如此齊人...就算今年指標不達,但同事間的協作精神卻相信是比其他人更協調及更懂互相幫忙....這次論壇令我有很深的體會...

接下來,我要學的就是提升自己的eq,及對著主管的麻煩...其實她真的是一個好人...但就"太墨迹"了....而且太神經刀...想到什麼就會突然提出來(通常都是最後一刻才提出來的"...唉...救命...

不過我會好好學習...因為這份工作雖說是超級辛苦 (從我口中說出辛苦,可想而知是真的有多麽辛苦了)....但我不會輕易認輸的....

其實這次論壇令我有很多得著,亦有些有趣事....

認識了一位和我差不多大的小伙子...樣子很單純,來自銀監...還說過他來香港要找我,或我到北京要找他呢....

認識了一位銀監主任...話說主任上完洗手間後問我,這裡能否抽煙...我說不行...所以陪他到了會展場外吸煙區...結果陪他抽了一支 - 紅萬...抽完後頭暈...幸好沒暈倒... :p

之後走之前拍了一張合照呢... (虛榮...哈....)

 

說了那麼多工作,說說自己事吧...

最近朋友們都少了出去玩去喝酒....就算朋友約我都是3-4個人...真奇怪...所以不要怨我說搬入西貢後不出來...而是你們自己不出來呀... :D

再上班2星期我便放假了...因為我期待的人將會到香港...希望時間快點過...

原來觸電的感覺是真的像被電倒一樣,那麼強烈那麼真實...

想知道詳情的朋友...到時我們約出來狂歡吧...蘭桂芳如何? :)